Кіраўніцтва Акадэміі МУС Рэспублікі Беларусь

Дарошка Сяргей Іванавіч, начальнік Акадэміі МУС Рэспублiкi Беларусь

Начальнік Акадэміі МУС

Дарошка Сяргей Іванавіч

генерал-маёр міліцыі

Кароткая біяграфія

У 1989–1993 гадах навучаўся ў Саратаўскім вышэйшым ваенным камандным Чырванасцяжным вучылішчы імя Ф. Э. Дзяржынскага ўнутраных войскаў МУС Расіі, пасля заканчэння якога там жа камандаваў узводам курсантаў. З мая 1994 года служыў ва ўнутраных войсках МУС Беларусі. У в/ч 6713 (Магілёў) прайшоў шлях ад намесніка камандзіра роты да намесніка камандзіра часці – начальніка штаба. Таксама Сяргей Іванавіч на розных пасадах служыў у в/ч 7404 (Баранавічы), якой затым камандаваў з 2003 па 2006 год.

У 2000 годзе скончыў камандна-штабны факультэт, а ў 2010–2012 гадах з’яўляўся слухачом факультэта Генеральнага штаба Ваеннай акадэміі Беларусі.

У 2006–2008-м – намеснік начальніка ўпраўлення баявой службы ГУКУВ МУС. Затым служыў на пасадах намесніка камандзіра па баявой падрыхтоўцы і першага намесніка камандзіра - начальніка штаба в/ч 3403 (Мінск).

У 2012 годзе ўзначаліў Дэпартамент выканання пакаранняў МУС. З лістапада 2017-га быў начальнікам ГУУС Мінгарвыканкама.

Узнагароджаны ордэнам «За службу Радзіме» III ступені, медалём «За бездакорную службу» ўсіх ступеняў.

Башан Аляксей Уладзіміравіч

Першы намеснік начальніка Акадэміі МУС

Башан Аляксей Уладзіміравіч

палкоўнік міліцыі
кандыдат юрыдычных навук, дацэнт
заслужаны супрацоўнік органаў унутраных спраў Рэспублікі Беларусь

Кароткая біяграфія

У 1997 годзе з адзнакай скончыў Акадэмію МУС, у 2005 годзе – ад'юнктуру навукова-педагагічнага факультэта Акадэміі МУС.

На службе ў органах унутраных спраў з 1993 года – слухач Акадэміі МУС. У 1997–2002 гадах пасля заканчэння Акадэміі МУС праходзіў службу на пасадах оперупаўнаважанага, старшага оперупаўнаважанага, старшага оперупаўнаважанага па асабліва важных справах у аддзелах па барацьбе з карупцыяй, цяжкімі эканамічнымі злачынствамі, прафесійнай крымінальнай злачыннасцю ўпраўлення па Мінску Камітэта па барацьбе з арганізаванай злачыннасцю і карупцыяй МУС. У 2005–2010 гадах пасля заканчэння ад'юнктуры працаваў на кафедры аператыўна-вышуковай дзейнасці Акадэміі МУС выкладчыкам, старшым выкладчыкам, дацэнтам, у 2010-2013 гадах – намеснікам начальніка кафедры аператыўна-вышуковай дзейнасці, у 2013-2014 гадах узначальваў кафедру аператыўна-вышуковай дзейнасці Акадэміі МУС. У верасні 2014 года прызначаны на пасаду першага намесніка начальніка Акадэміі МУС.

З'яўляецца намеснікам старшыні вучэбна-метадычнага аб'яднання вышэйшых навучальных устаноў Рэспублікі Беларусь па адукацыі ў галіне праваахоўнай дзейнасці, членам навукова-метадычнага савета па групе спецыяльнасцяў «Права» вучэбна-метадычнага аб'яднання па гуманітарнай адукацыі, які функцыянуе на базе Беларускага дзяржаўнага ўніверсітэта, старшынёй навукова-метадычнага савета акадэміі МУС. З 2006 года з'яўляецца членам вучонага савета Навукова-практычнага цэнтра праблем умацавання законнасці і правапарадку Генеральнай пракуратуры. З 2014 года ўдзельнічае ў рабоце савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. У 2015 годзе ўключаны ў склад экспертнага савета № 8 Вышэйшай атэстацыйнай камісіі Рэспублікі Беларусь па юрыдычных навуках.

Апублікаваў больш за 70 навуковых і вучэбна-метадычных прац, сярод якіх манаграфія «Карупцыя: тэорыя і практыка процідзеяння», 2 навучальных дапаможнікаў «Аператыўна-вышуковая дзейнасць органаў унутраных спраў (асаблівая частка)» і «Процідзеянне карупцыі», 2 практычных дапаможнікаў «Папярэджанне, выяўленне, спыненне, раскрыццё і расследаванне злачынстваў у сферы эканомікі і фінансава-банкаўскай справы» і «Асаблівасці выяўлення правапарушэнняў, раскрыцця і расследавання злачынстваў у сферы інтэлектуальнай уласнасці», курс лекцый «Раскрыццё эканамічных злачынстваў», метадычныя рэкамендацыі па выяўленні і дакументаванні хабарніцтва.

Узнагароджаны медалямі «За бездакорную службу» III і II ступені, юбілейнымі і памятнымі медалямі. Ганараваны іншымі ўзнагародамі і заахвочваннямі.

Намеснік начальніка Акадэміі МУС па ідэалагічнай рабоце і кадравым забеспячэнні

Шваб Мікалай Рыгоравіч

Намеснік начальніка Акадэміі МУС – начальнік упраўлення фінансаў і тылу

Шваб Мікалай Рыгоравіч

падпалкоўнік міліцыі

Кароткая біяграфія

У 2005 годзе скончыў Беларускі дзяржаўны ўніверсітэт па спецыяльнасці «Эканамічнае права».

На службе ў органах унутраных спраў з 2006 года. У 2006–2012 гадах праходзіў службу на пасадах інжынера аддзела збыту, начальніка аддзела збыту і забеспячэння на прадпрыемстве крымінальна-выканаўчай сістэмы, у 2012 годзе – старшага інспектара ўпраўлення Дэпартамента выканання пакаранняў, у 2012–2020 гадах ў Акадэміі МУС – намесніка начальніка камунальна-эксплуатацыйнага аддзела – кіраўніка групы па рамонце будынкаў і збудаванняў, начальніка камунальна-эксплуатацыйнага аддзела, начальніка ўпраўлення фінансаў і тылу. У 2020 годзе прызначаны на пасаду намесніка начальніка акадэміі – начальніка ўпраўлення фінансаў і тылу.

Узнагароджаны юбілейнымі і памятнымі медалямі. Ганараваны іншымі ўзнагародамі і заахвочваннямі.

Міцкевіч Эдуард Анатольевіч

Намеснік начальніка Акадэміі МУС

Міцкевіч Эдуард Анатольевіч

палкоўнік мiлiцыi

Кароткая біяграфія

У 1995 годзе скончыў Пермскае вышэйшае ваеннае камандна-тылавое вучылішча ўнутраных войскаў МУС Расіі, у 2009 годзе Ваенную акадэмію Рэспублікі Беларусь і ў далейшым магістратуру (2020 год).

Свой службовы шлях пачаў курсантам вышэйшага ваеннага вучылішча ў жніўні 1991 года. З 1995 па 2007 год праходзіў службу ў вайсковай часці 5448 унутраных войскаў МУС Рэспублікі Беларусь на розных пасадах ад камандзіра стралковага ўзвода да намесніка начальніка штаба – начальніка аператыўнага аддзялення вайсковай часці. Пасля навучання на камандна-штабным факультэце Ваеннай акадэміі праходзіў службу на камандзірскіх пасадах у вайсковай часці 5530 УВ МУС (2009 – 2010 гг.), у вайсковай часці 5448 УВ МУС (2010 – 2015 гг.), у 1-й асобнай спецыяльнай міліцэйскай брыгадзе УВ МУС (2015 – 2018 гг.). Навучаўся ў Ваеннай акадэміі на факультэце Генеральнага штаба Узброеных Сіл (2018 – 2020 гг.). Прызначаны на пасаду намесніка начальніка Акадэміі МУС 27 жніўня 2020 года.

Узнагароджаны ордэнам «За службу Радзіме» III ступені, медалямі «За бездакорную службу» ўсіх ступеняў, ганараваны іншымі ўзнагародамі і заахвочваннямі.