Супрацоўнікі Акадэміі МУС, якія выканалі інтэрнацыянальны абавязак

Дук Уладзімір Уладзіміравіч -  воін-інтэрнацыяналіст
палкоўнік міліцыі ў запасе

Дук Уладзімір Уладзіміравіч

З сакавіка па верасень 1982 гады ў складзе атрада спецыяльнага прызначэння МУС СССР «Кобальт-3» знаходзіўся ў Дэмакратычнай Рэспубліцы Афганістан на пасадзе намесніка камандзіра каманды па палітыка-выхаваўчай працы. Неаднаразова ўдзельнічаў у баявых аперацыях. 28 чэрвеня і 20 ліпеня 1982 года тактычна правільна арганізаваў абарону месца дыслакацыі каманды і забяспечыў умелае кіраўніцтва дзеяннямі асабовага складу па адбіцці нападаў бандытаў ў начны час. За смеласць і рашучасць, праяўленыя ў баявым становішчы ў 1983 годзе ўзнагароджаны Ордэнам Чырвонай Зоркі. У чэрвені 1985 года паўторна накіраваны ў Афганістан на 2 гады, дзе ў пасадах аператыўнага супрацоўніка і старшага аператыўнага супрацоўніка прадстаўніцтва МУС СССР пры МУС ДРА выконвае заданні па аказанні інтэрнацыянальнай дапамогі і ўдзельнічае ў баявых дзеяннях. Так, у лістападзе 1986 года падчас накіравання з правінцыі Кандагар ў правінцыю Заболь на верталёце МІ-8 забяспечыў агнявое прычыненне і выратаванне членаў экіпажа збітага верталёта МІ-6. За мужнасць, вытрымку і знаходлівасць, праяўленыя ў барацьбе з мяцежнікамі, у 1987 годзе ўзнагароджаны другім Ордэнам Чырвонай Зоркі і афганскім ордэнам «Слава».
Абразцовае выкананне службовых абавязкаў адзначана медалямі «За бездакорную службу» 3 і 2 ступеняў, нагрудным знакам "За выдатную службу ў МУС», юбілейнымі медалямі. У 2003 годзе Дук В.У. Занесены ў кнігу гонару Акадэміі МУС Рэспублікі Беларусь.