Міжнародны турнір па інтэлектуальных гульнях «Шчыт і меч»

У міжнародным турніры па інтэлектуальных гульнях «Шчыт і меч - 2019» удзельнічаюць каманды студэнтаў i курсантаў з Беларусі, Расіі, Украіны. Гэта штогадовы форум Акадэміі МУС і Беларускай лігі інтэлектуальных каманд.

Па выніках заліковых гульняў «Эрудыт-квартэт» і «Што? Дзе? Калі?» 23-24 лістапада вызначыцца лепшая каманда турніру, якая атрымае кубак пераможцы. Лепшую каманду сярод сілавых устаноў адукацыі традыцыйна ўзнагароджваюць спецыяльным кубкам і граматай. Турніру прысвоены статус вываднога на студэнцкі чэмпіянат Беларусі па інтэлектуальных гульнях i на адпаведны Кубак Еўропы.

Гэта лепшы турнір па выніках сезона 2018/19! Такім ён ужо шмат разоў прызнаваўся Беларускай лігай інтэлектуальных каманд. Гісторыя спаборніцтва бярэ пачатак у 2005 годзе - ідэю прапанавалі курсанты следча-экспертнага факультэта Акадэміі МУС.

Міліцэйскі універсітэт прымае цяперашні двухдзённы форум на базе менавіта гэтага факультэта.