Урачыстая цырымонія выпуску афіцэраў Акадэміі МУС Рэспублікі Беларусь

Кожнае лета ў Мінску праходзiць прафесійна значная падзея - урачысты выпуск афіцэраў, якія скончылі Акадэмію МУС.

Па традыцыі ў мерапрыемстве ўдзельнічаюць кіраўнікі Міністэрства ўнутраных спраў і іншых дзяржаўных органаў. Урачыстую цырымонію суправаджае аркестр. Святар дае дабраславенне і настаўляе праваахоўнікаў.

Традыцыйна міліцэйская альма-матэр спачатку віншуе выпускнікоў аддзялення завочнага навучання факультэта павышэння кваліфікацыі і перападрыхтоўкі кіруючых кадраў і студэнтаў факультэта права. Затым увага прыкавана да маладых лейтэнантаў, якія скончылі факультэты міліцыі, следча-экспертны і крымінальна-выканаўчы. Мерапрыемства праводзiцца на плошчы Дзяржаўнага сцяга.

Урачысты рытуал традыцыйна суправаджаецца вынасам сцяга Акадэміі МУС, з якім развітваюцца выпускнікі. Пасля ўручэння дыпломаў маладыя афіцэры-юрысты пад апладысменты сваіх калегаў дораць кветкі кіраўніцтву і прафесарска-выкладчыцкаму складу, праходзяць урачыстым маршам і па звычаі падкідваюць манеты на шчасце.